Archive

Author Archive

“Maleta Mexikarra” erakusketa

“Maleta Mexikarra” Espainiako Gerra Zibileko argazki bilduma erakusten duen bilduma da. Argazkilarien artean, Robert Capa, Gerard Taro eta David Seymur, “Chim” ezizenez ezagutua, daude.

Bilduma izatez hiru kutxaz osatuta dago, barruan 165 argazki-film ditu, hau da, 4.500 inguru negatibo. Gerra hasi aurretik eta hasi osteko historia bizi dira irudiok. Baina aukeraketa honetan 70 argazki inguru daude (horietatik, 50 garaiko kopiak dira), bai eta zenbait serie osori dagozkien 101 kontaktu-orri ere, aro modernoan handitutakoak. Gainera, ikus- entzunezko bi eta material dokumentala (garai hartako aldizkariak, telegramak, prentsa-txartelak eta abar) ere jarriko dira ikusgai, materialaren testuingurua ulertzeko aukera ematen duten zenbait esparrutan antolatuta.

Horrek guztiak testuingurua ulertzeko aukera ematen du. Gerra Zibilaren garaian bizitako uneen testigantza asko erakusten dute Capa, Tero eta Seymourrek errepublikanoen bandotik ateratako argazkiek. Adibidez,  errepublikanoek gerrara joan aurretik mesa entzuten zuteneko irudiak daude. Aro modernoko lehenengo gerra-argazkilaritzat hartzen direnak, gatazka belikoaren lekuko apartak izan ziren, baina, gainera, euren argazkien bitartez, faxismoaren aurkako militante sutsuak izan ziren.

Euskal Herriko argazki gehienak Seymurrek 1937ko urtarrilean eta otsailean ateratakoak dira eta gerra garaiko egunerokotasuna islatzen dute. Chim Bizkaiatik ibili zen eta bertoko hainbat herrietako argazkiak daude, hala nola, Bilbo, Lekeitio edo Zornotza. Capak eta Tarok, aldiz, lubakietan eta frontean atera zituzten argazkiak.

Argazkiok garaiko errepresioari ihes egiteko maleta batean ezkutatu egin ziren. Baina denbora pasata non eskutatu ziren ez gogoratu eta galdutzat eman ziren. Baina 1995. urtean Mexikon agertu zen maleta eta barnean argazkiok, horregatik izen hori. Argazkiak bilduma batean bildu dira eta bilduma hau Bilboko Arte Ederren museoan egongo da ikusgai ekainera arte. Era berean bilduma  “Bakearen eta Askatasunaren aldeko Kulturen Urtea” abiatzeko lehen ekitaldi izango da.

Martxoaren 3, 17 eta 31n eta apirilaren 23an ‘Maleta mexikarra’ Trisha Ziffek 2011n zuzendutako dokumentala proiektatuko dute, Bilboko Arte Ederretako museoaren erakusketaren osagarri bezala.

Beraz, aprobetxatu aukera eta hurbildu argazki historiko hauek bisitatzera!

Categories: Uncategorized

Zer da multikulturalitatea?

December 12, 2011 Leave a comment

Pichardo Galánen Reflexiones enotrno a la cultura; una apuesta por el Interculturalismo  liburuak talde kultural desberdinen arteko banaketari aurre egiteko proposamenen hurbilketa du helburu: etnozentrsimotik eta errelatibismo kulturaletik multikulturalismo eta interkulturalismoraino. Autoreak elkarketarako eta eztabaidarako proposamena egiten du errespetu eta berdintasunetik abiatuz beti ere.

Multikulturalitatea, aurtengo nire ikasgai gogokoenetarikoa da, baina zer da multikulturalitatea? eta zertan bereizten dira multikulturalitate eta interkulturalitatea?

Multikulturalitatea pluralismo kulturalaren lehen adierazgarri da eta arrazagatik edo  kulturagatik sortutako diskriminazioa baztertzen du, eta kultura guztien errespetua eta onarpena bultzatzen du.  Arraza edo kulturagatiko diskriminazio eza bultzatzen du, eta desberdintasun kulturalaren onarpena eta eskubidea defendatu ere. Kulturen arteko desberdintasunak azpimarratzen ditu, hainbeste non kultur talde batzuk besteengandik isolatu ditzakeen. Sozietate bat multikulturala dela esango dugu bertan hainbat kulturatako pertsonak bizi direnean. Read more…

Zer dira sare sozialak eta identitate digitala?

November 25, 2011 Leave a comment

Sare sozialak entzun eta internet etortzen zaigu gogora gehienoi, baina sare sozialak internet baino lehen ere bazeudela dio Gorka Juliok. Bere hitzetan:

Sare sozialak harreman sozialen sareak dira eta harreman horietan lotura gogorrak eta lotura arinak bereizten dira. Lotura gogorrak lagunekin, familiakoekin… garatzen ditugu eta arinak aldiz informazioa garraiatu edo komunikazio ekintza bat garatzeko baliatzen ditugu.

Hemen erantsi dut Gorka Julioren esteka: http://teketen.com/aurkezpena/  Gorkak web garapena, tresna sozialak, sare sozialak, mugikortasuna, e-irakaskuntzak izan ditu lan lerro nagusienak.

Read more…

%d bloggers like this: