Archive

Author Archive

Gure mundu Multikulturala

December 22, 2010 Leave a comment

Nire ustez urte honetako lehenengo seihilekoan dugun ikasgai interesgarriena Multikulturalitetea eta kulturen arteko elkarrizketa da. Pasadan urteko “Kulturen Ikasketak” ikasgaiaren jarraipena da, baian oraingo honetan  gaiak gehiago garatuz. Irakasgai honetan eguneroko bizitzan erabilgarriak diren elkarbizitza metodoak eta balioak ikasten dira, beste kultura bateko jendearekin erlazio egokia mantentzeko.

Irakasgaiak dituen objektibo printzipalen artean ikasleak gaur egun dibertsitate kultural izugarria dagoela konturatzea da, baita elkarrizketen erabilera sustatzea denon artean elkartasunera heltzeko eta mundu hau justuagoa egiteko denontzat.

Objektibo horiek lortzeko izugarrizko lan sorta eta aktibitateak garatu behar izan ditugu seihilekoan zehar, denak beste talde kultural bateko jendearekin gure arteko erlazioa hobetu eta elkarbizitza sustatzeko, diskriminazioak alde batera utziz. Adibidez  lanen tema batzuk hauek izan dira:

  • Komunikabideek beste kultura batzuei buruz bidaltzen duten informazio okerra.
  • Erlijio eta sinesmen ezberdineko taldeen arteko elkarrizketak.
  • Zer den multikultura eta zer suposatzen duen gaur egun.

Laburbilduz, esan bezala hau da nik gustukoen dudan ikasgaia, zeren eta kultura ezberdinen arteko erlazioa hobetzen du eta besteei buruz dugun iritzia guztiz okerra dela konturatzen laguntzen digu. Gainera elkarrizketen eta talde lanen bitartez gure pentsatzeko eta arrazoitzeko ahalmena hobetzen dugu.

ERREFERENTZIAK:

Sare Sozial ezberdinak eta bakoitzak duen erabilera

December 22, 2010 Leave a comment

Sare sozialak gaur egun mundu guztian zabalduta dauden Interneteko webgune batzuk dira, eta hauen helburua komunikatzea eta informazioa alde batetik bestera pasatzea da. Funtsean denak helburu berbera izan arren desberdintasun ugari daude sare sozial batetik bestera. Gaur egun famatuenak facebook, tuenti eta twitter dira.

Esan beharrekoa da Espainia mailan gehien erabiltzen den sare soziala Tuenti dela, baina mundu mailara joko bagenu ikusiko genuke Fcebook-a dela erabiliena, eta izugarrizko aldearekin. Tuentik 2 miloi erabiltzaile ditu eta Facebook-ak berriz 350 miloi gutxi gorabehera. Hori horrela izatearen arrazoiak hauek izan daitezke: Facebook-a Tuentia baino zaharragoa da, beraz zirkulazioan denbora gehiago egon denez erabiltzaile gehiago lortzeko aukera izan du. Gainera Facebook sare sozial zabaldua da, hau da, nahi duzunean batu ahal zarenetako bat. Tuentia berriz ezberdina da. Bertan sartzeko sare sozial hori erabiltzen duen pertsona batek gonbidatu behar zaitu.

Orain hiru sare sozial horien deskribapen txiki bat jarriko dut, bakoitzak ze abantaila eta desabantaila dituen jakiteko.

Facebook: Mark Zuckerberg-ek sorturiko sare sozial bat da. Hasiera batean Harvard Unibertsitateko ikasleei zuzendutako aplikazio bat izan zen, baina denborarekin famatua egin eta mundu guztira zabaldu zen. Facebookaren alde onenetariko bat erabiltzaile bakoitza nahi duen sareetan ibili daitekeela da. Hau da, lanera, ikasketetara edo beste gauza askotara zuzendutako sareak dauzka, oso erabilgarria eginez.

2008an goi mailako tituludun pertsona askok erabiltzen zuten, 120 milioik gutxi gorabehera. Sare sozial hau munduan zehar zabaltzeko hizkuntza ezberdinetako bertsioak sortzen hasi ziren. Lehenengoak alemaniarrezko, frantsesezko eta gaztelerazko bertsioak izan ziren. Orain dela gutxi, 2010ean euskarazko bertsioa sortu zen.

Facebook-ak zerbitzu asko eskaintzen ditu, horien artean lagunak, talde eta orriak, horma, argazkiak, opariak eta jokoak.

Tuenti: Tuentia gehienbat gazteei zuzendutako sare sozial bat da. Bertan Tuenti orri pribatu bat eskura daiteke mugarik gabe argazkiak eta bideoak igo daitezke, baita blog pertsonal batean idatzi eta lagunen argazkiak ikusi eta iruzkindu.

Tuentiak duen abantaila bat pribatutasun maila ona da. Hiru maila ezberdin daude, eta hauek dira: lagunek bakarrik ikusi ahal izatea, lagunek eta haien lagunek ikusi ahal izatea, edota pertsona guztiek ikusi ahal izatea. Horrek esker zure pribatutasuna ondo mantentzeko aukera ematen dizu.

Desabantaila berriz batzeko modua da. Sare sozial pribatua denez gonbidapena behar da bertan kontu bat sortzeko. Facebook-a berriz sare sozial irekia da.

Twitter: Sare sozial eta microblooging zerbitzu bat da. Bere erabiltzaileei argazkiak igo eta iruzkintzeko aukera ematen die, baian gehienez 140 karaktere erabiliz. Facebook-a eta Tuentia-rekin konparatuz askoz aplikazio gutxiago ditu eta horri 140 karaktereko mezuak lotzen badizkiozu beste biak baino gutxiago erakartzen du jendea. Hori izan daiteke beste biek baino erabiltzaile gutxiago izatearen arrazoia.

Twitter-a 25 eta 50 urte bitarteko pertsonek erabiltzen dute.

Laburbilduz, hiru sare sozial hauek, Facebook, Tuenti eta Twitter, aplikazio eta aurkezpenari begira oso ezberdinak izan arren denek dute helburu berdina: komunikatzea eta informazioa mugitzea. Gainera segurtasun maila oso ona dute, nahi ez den informazioa denentzako eskuragarri ez jartzeko.

Erreferentziak:

%d bloggers like this: